श्री विठ्ठल रुक्मिणी मंदिरात मकरसंक्रांत सण उत्साहात साजरा
पंढरपूर येथील श्री विठ्ठल रुक्मिणी मंदिरात आज रविवार दि१५ जानेवारी रोजी मकरसंक्रांतीच्या सण अत्यंत उत्साही वातावरणात साजरा करण्यात आला.या दिवशी हजारो सुवासिनी या श्री रुक्मिणी मंदिरात देवीस वाणवसा करण्यासाठी येत असतात,ही परंपरा शेकडो वर्षांपासून आहे. श्री रुक्मिणी देवीस वाण देऊन हळदी कुंकू करण्यासाठी पंढरपूर शहरच नव्हे तर राज्याच्या कानाकोपऱ्यातून हजारो सुवासिनी येत असतात.
खास मकरसंक्रांत निमित्त विविध पाने,फुले व भाज्यानी गाभारा सजविण्यात आला होता, दोडका, भोपळा, फ्लॉवर,कोबी, मुळा,गाजर, घोसावळे, पडवळ आदी फळभाज्या लावून सुंदर सजावट करण्यात आली होती.