सांगोला: प्रतिनिधी
कोर्टी (ता.पंढरपुर) येथील एस. के. एन. सिंहगड कॉलेज ऑफ इंजिनिअरींग महाविद्यालयात सिव्हिल इंजिनिअरींग विभागात अभियांत्रिकीचे शिक्षण घेत असतानाच कुमारी जोत्सना मुरलीधर राऊत हिने काॅग्निझंट, टीसीएस व विप्रो या तीन कंपन्याकडून पंढरपूर सिंहगड महाविद्यालयात कॅम्पस मुलाखती आयोजित करण्यात आल्या होत्या. या तीनही कंपनीत कुमारी जोत्सना मुरलीधर राऊत हिने यश संपादन केले असून तीच्या या याबद्दल सर्वस्तरातुन अभिनंदन होत आहे.
अल्पावधीतच पंढरपूर सिंहगड महाविद्यालयाने अभियांत्रिकी शैक्षणिक क्षेत्रात दबदबा निर्माण करून विद्यार्थी केंद्रबिंदू मानुन विद्यार्थ्यांच्या सर्वांगीण विकासासाठी प्रयत्नशील असेलले सिंहगड महाविद्यालय प्लेसमेंट मध्ये अव्वल स्थान पटकावले आहे. महाविद्यालयामध्ये शिक्षण घेत असलेल्या विद्यार्थ्यांचे मानवी अधिकार, मुलभुत अधिकार अबाधित राखून पालकांच्या विश्वास पाञ ठरून विद्यार्थ्यांना तणावमुक्त शिक्षण, गुणवत्ता पुर्ण शिक्षण देणारी संस्था म्हणजे पंढरपूर सिंहगड असा वेगळा नावलौकिक सिंहगड संस्थेचा संपूर्ण जगभर आहे.
पंढरपूर सिंहगड महाविद्यालयाच्या वतीने आयोजित करण्यात आलेल्या ऑनलाईन कॅम्पस ड्राईव्ह मधुन सिव्हिल इंजिनिअरींग विभागातील कुमारी जोत्सना मुरलीधर राऊत हिची काॅग्निझंट (वार्षिक पॅकेज- ४ लाख), टीसीएस (वार्षिक पॅकेज ३.३६ लाख) आणि विप्रो (वार्षिक पॅकेज-३.५ लाख) या तीन कंपनीत कुमारी जोत्सना राऊत यांची मुलाखतीतून निवड झाली असुन या निवडीबद्दल सांगोला अर्बन बँकेचे संस्थापक अध्यक्ष डॉ. प्रभाकर माळी, महाराष्ट्र माळी समाज महासंघाचे युवक प्रदेशाध्यक्ष सोमनाथ राऊत, आई-वडील आदीसह अनेकांनी तिचे अभिनंदन करून पुढील वाटचालीस शुभेच्छा दिल्या आहेत. तीन कंपनीत निवड झालेल्या कुमारी जोत्सना मुरलीधर राऊत हि काॅग्निझंट कंपनीत नोकरी करणार असल्याचे यादरम्यान तिने सांगितले आहे.
कोरोना कालावधीत पंढरपूर सिंहगड महाविद्यालयाने २०० हून अधिक नामांकित कंपनीत ऑनलाईन मुलाखतीतून नोकरी देण्याचे काम पंढरपूर सिंहगड महाविद्यालयाने केले असल्याचे ट्रेनिंग अँड प्लेसमेंट ऑफिसर प्रा. समीर कटेकर यांनी सांगितले. कुमारी जोत्सना राऊत हिच्या यशाबद्दल महाविद्यालयाचे प्राचार्य डॉ. कैलाश करांडे, उपप्राचार्य डॉ. स्वानंद कुलकर्णी, सिव्हिल इंजिनिअरींग विभाग प्रमुख डॉ. कदम, डॉ. बाळासाहेब गंधारे, डॉ.अल्ताफ मुलाणी, डाॅ. संपत देशमुख, डॉ. श्याम कुलकर्णी, ट्रेनिंग अँड प्लेसमेंट ऑफिसर प्रा. समीर कटेकर, प्रा. नामदेव सावंत, प्रा. अभिजित सवासे आदीसह महाविद्यालयातील सर्व शिक्षक व शिक्षेकेत्तर कर्मचाऱ्यांनी अभिनंदन केले.
