पंढरपूर: प्रतिनिधी
कोर्टी (ता.पंढरपूर) येथील एस. के. एन. सिंहगड कॉलेज ऑफ इंजिनिअरींग महाविद्यालयात श्री संत गाडगे महाराज यांच्या ६३ व्या पुण्यतिथीनिमित्त संत गाडगे महाराज यांच्या प्रतिमेचे पूजन करून अभिवादन करण्यात आले.
पंढरपूर सिंहगड महाविद्यालयात प्राचार्य डॉ. कैलाश करांडे यांच्या हस्ते थोर समाजसुधारक श्री संत गाडगे महाराज यांच्या पुण्यतिथीनिमित्त दिपप्रज्वलन करून अभिवादन करण्यात आले.
सामाजिक प्रबोधनातुन लोकांच्या मनात ज्या अंधश्रध्दा घर करून बसलेल्या आहेत, ज्या अनिष्ट प्रथा, ( बोकड कापणे, कोंबडं कापुन देवाला वाहाणे) लोकांच्या मनातुन उदाहरण देऊन गाडगे बाबा बाहेर काढण्याचा प्रयत्न करत असत. गावकरी त्यांना गोळा करून पैसे देत त्याचा उपयोग गाडगे बाबा गावाच्या विकासाकरताच करत असत.
गावातुन मिळालेल्या पैश्यातुन गाडगे महाराजांनी अनेक शाळा, धर्मशाळा, रूग्णालयं आणि जनावरांकरता गोशाळा देखील उभारल्या. गाडगे महाराज जनतेला जनावरांवर होत असलेल्या अत्याचारापासुन परावृत्त करण्याचा प्रयत्न करत. समाजात चालत असलेल्या जातीभेद आणि वर्णभेदाला संपवण्याकरता त्यांनी खुप प्रयत्न केले. समाजात दारूबंदी व्हावी याकरता सुध्दा बांबांनी बरेच प्रयत्न केले. गाडगे महाराज लोकांना कठोर परिश्रम, सामान्य राहाणीमान आणि परोपकार याला अंगिकारण्याचे धडे देत अशा या थोर समाजसुधारक संत गाडगे महाराज यांना सिंहगड महाविद्यालयात अभिवादन करण्यात आले.
यादरम्यान उपप्राचार्य डॉ. स्वानंद कुलकर्णी, ट्रेनिंग अँड प्लेसमेंट ऑफिसर प्रा. समीर कटेकर, प्रा. सोमनाथ कोळी, प्रा. अनिल निकम, प्रा. उमेश घोलप, प्रा. अभिजित सवासे, प्रा.संतोष बागल, देवबा सागर, धनाजी केवटे आदी मान्यवर उपस्थित होते.
