माघी यात्रेनिमित्त पोलीस यंत्रणा सज्ज
उपविभागीय पोलीस अधिकारी-डॉ.अर्जुन भोसले
1 हजार 394 पोलीस अधिकारी व कर्मचारी, एक आरसीएफ तुकडी , 162 ठिकाणी सीसीटीव्ही कॅमेरे
पंढरपूर दि.18:- माघी यात्रे निमित्त श्री विठ्ठल-रुक्मिणीमातेच्या दर्शनासाठी भाविक मोठ्या प्रमाणात येतात. दि.20 फेब्रुवारी 2024 रोजी जया एकदशी असून, माघी यात्रा कालावधी 26 फेब्रुवारी 2024 पर्यंत आहे. या कालावधीत पंढरपूरात येणाऱ्या भाविकांच्या तसेच नागरिकांच्या सुरक्षेसाठी तसेच वारी सुरक्षितपणे पार पडण्यासाठी पोलीस यंत्रणा सज्ज असल्याची माहिती उपविभागीय पोलीस अधिकारी डॉ.अर्जून भोसले यांनी दिली.
वारी कालावधीत वाहतुकीची कोंडी होऊ नये भाविकांना वाहुकीचा कोणताही अडथळा येऊ नये यासाठी जिल्हा पोलीस अधिक्षक शिरीष सरदेशापांडे यांच्या आदेशान्वये जड वाहतुक शहराबाहेरुन वळविण्यात आली आहे . तसेच वाहतुक नियमनासाठी डायव्हरशन पॉईट व नाकाबंदी पाँईंट सुरु करण्यात आले आहे. त्याचबरोबर खाजगी वाहनधारकांच्या वाहनांना थांबण्यासाठी शहरात तसेच शहराबाहेर वाहनतळ व्यवस्था करण्यात आली आहे.भाविकांनी व नागरिकांनी सुरक्षेसाठी तसेच वारी सुरक्षित पार पाडण्यासाठी पोलीस प्रशासनास सहाकार्य करावे असे, आवाहनही उपविभागीय पोलीस अधिकारी डॉ.भोसले यांनी केले आहे.