7th pay commission ; सरकारी कर्मचाऱ्यांच्या डीए वाढि बद्दल आले नवीन अपडेट्स ?
यानंतर सरकारी कर्मचाऱ्यांचा डीए 34 टक्के करण्यात आला. सध्या कर्मचाऱ्यांना त्याच दराने डीए दिला जात आहे. पण महागाईचा वाढता दर पाहता सरकार लवकरच DA वाढवण्याची घोषणा करू शकते, असे बोलले जात आहे.
वृत्तानुसार, केंद्रीय कर्मचाऱ्यांचा डीए 4 टक्क्यांनी वाढू शकतो. मात्र याबाबत सरकारकडून अद्याप कोणतेही अधिकृत वक्तव्य आलेले नाही. कारण चलनवाढीचा दर रिझर्व्ह बँकेने ठरवून दिलेल्या उद्दिष्टापेक्षा सातत्याने जास्त राहिला आहे. त्यामुळे सरकार 4 टक्क्यांपर्यंत डीए वाढवण्याची शक्यता आहे.
अखिल भारतीय ग्राहक किंमत निर्देशांक च्या आधारावर कर्मचाऱ्यांचा DA निश्चित केला जातो. जून महिन्यात किरकोळ महागाईचा दर 7.01 टक्के होता. त्यामुळे डीएमध्ये वाढ झाल्याची चर्चा आहे.
मात्र, आता नव्या फॉर्म्युल्यानुसार सरकारी कर्मचाऱ्यांचे वेतन निश्चित होणार असल्याचे बोलले जात आहे. पे-मॅट्रिक्सच्या आधारे कर्मचाऱ्यांच्या पगारात वाढ करण्याची सूचना सरकारला मिळाल्याचे वृत्त आहे.
अशा स्थितीत ऍक्रॉइड फॉर्म्युलाच्या आधारे पुनरावलोकन करून त्यात सुधारणा करता येऊ शकतात, ज्यामुळे सर्वसामान्यांना आवश्यक असलेल्या वस्तूंच्या किमती लक्षात घेऊन बदल करता येऊ शकतात. मात्र हे प्रकरण कुठपर्यंत पोहोचले याबाबत सरकारकडून कोणतीही माहिती देण्यात आलेली नाही.
महागाईचा आकडा लक्षात घेऊन सरकारने जुलैमध्ये डीए 4 टक्क्यांनी वाढवल्यास 50 लाख कर्मचारी आणि 65 लाख पेन्शनधारकांना याचा लाभ मिळेल. सरकारी कर्मचाऱ्यांना मिळणारा डीए हा त्यांच्या आर्थिक सहाय्य वेतन संरचनेचा भाग आहे.
गणनेनुसार सरकारने कर्मचाऱ्यांचा डीए 34 टक्क्यांवरून 38 टक्के केला तर पगारात मोठी वाढ होईल. सध्या एखाद्या कर्मचाऱ्याचे मूळ वेतन (basic pay) 18,000 रुपये असल्यास, 34 टक्के दराने महागाई भत्ता 6,120 रुपये होतो. चार टक्क्यांनी वाढ झाल्यास डीए 6,840 रुपये होईल.