पंढरपूर -मंगळवेढा विधानसभा मतदारसंघातून जरांगे पाटलांकडून सी पी बागल यांना उमेदवारी मिळण्याची शक्यता!
अंतरवाली सराटी (विशेष प्रतिनिधी):- मराठा आंदोलक मनोज जरांगे पाटील यांच्याकडून पंढरपूर -मंगळवेढा विधानसभा मतदारसंघातून सी पी बागल यांना उमेदवारी जाहीर होण्याची दाट शक्यता असल्याचे खात्रीशीर वृत्त आहे.
पंढरपूर -मंगळवेढा विधानसभा मतदारसंघातील सी पी बागल यांचा दांडगा जनसंपर्क, विधानसभा लढविण्याचा पुर्वानुभव, मतदारसंघाची इतंभूत माहिती, जनसामान्यांचा असलेला पाठींबा, शहर आणि ग्रामीण अशी मतदार संघाची द्विस्तरीय बांधणी, सामाजिक कार्य, निवडणूक लढविण्याची क्षमता, आदि महत्त्वपुर्ण बाबींचा साकल्याने विचार करता सी पी बागल यांना उमेदवारी जवळ जवळ निश्चित झाल्याचे खात्रीलायक वृत्त आहे. त्यामुळे दोन दिवसांत सी पी बागल हे उमेदवारी अर्ज भरतील, असा निवडणूक विश्लेषकांचा अंदाज आहे.